Al sarà in cressite il trafic dilunc de ret Autostrade Alto Adriatico par vie des fiestis. Chê de Fieste de Assension che tal fin de setemane e fasarà rivâ su la cueste di Friûl Vignesie Julie e Venit miârs di turiscj soredut de Austrie, ma al è ancje il puint pe Fieste de Republiche che e fasarà movi cetante int.
E sarà cheste une anticipazion di ce che si pense al podarès sucedi dai 6 ai 8 di Jugn pe Pentecostis, intant che une altre bugade e je previodude pal periodi dai 19 ai 22 di Jugn par vie dal Corpus Domini.
Intant doman, ai 27 di Mai, a podaressin jessi codis in autostrade li dal svincul di Tisane par cause dal conciert di Vasco Rossi, za tacant tal dopomisdì.
Il bôl ros al rivarà dal sigûr ai 29 di Mai (Fieste de Assension in Austrie) za tacant de matine.
Bôl ros pal trafic in autostrade ancje ai 2 e 3 di Jugn pe Fieste de Republiche. (a.d.g.) – 26.05.2025
