59
La Zonte regjonâl e à decidût cuntune delibare di afidâ la gjestion des Termis di Darte, di proprietât dal Comun, a PromoturismoFvg, tacant dai 12 di Avrîl cuant che e sierarà la gjestion atuâl.
“Lis termis di Darte a rapresentin un presidi strategjic pe mont furlane e par dut il sisteme turistic regjonâl. Cun chest proviodiment – al à visât Sergio Emidio Bini, assessôr regjonâl aes Ativitâts produtivis e al Turisim – o garantin continuitât a un servizi fondamentâl e o metin la fonde pal rilanç struturât e sostignibil de ufierte termâl”.
La Regjon e ponte a firmâ la convenzion e a tornâ a vierzi il prime pussibil lis termis. (a.d.g.) – 10.04.2026
