153
La costruzion de tierce corsie de autostrade A4 intal toc Alvisopoli – Puart e vîf une fase determinante pe conclusion de opare. Pal slargjament des cjarezadis al covente di tornâ a fâ sù 24 manufats (tra sorepàs, puints e sotpàs) dulinvie i cuasi nûf chilometris dal lot.
Tra i vot sotpàs cjapâts dentri dal progjet, in particolâr, al è il sotpàs de ferade Puart – Cjasarse. Lis lavorazions su chest manufat a son un grum complessis. Par chel e je stade la domande de bande de dite che e apalte – condividude dopo di une serie di riunions tra Autovie Venete, Regione Friuli Venezia Giulia e Regione Veneto, Rfi e Trenitalia -, di sprolungjâ fin ai 31 di Otubar dal 2022 la interuzion dal servizi feroviari su la linie. (A.D.G.) – 25.08.2022
