Presentade di Autostrade Alto Adriatico une procedure inovative tal câs di une emergjence. Si trate dal prin esperiment in Italie e al previôt la jessude obleade e automatiche a Puart, dilunc de A4 Vignesie – Triest: tal câs di emergjencis o di lavôrs programats, il sisteme brevetât de societât al permet di lontan di comandâ la segnaletiche verticâl che e mandarà fûr il trafic.
La tecnologjie e je stade doprade cun sucès ai 15 e 16 di Otubar dilunc dal trat tra Tisane e Puart bande Vignesie. La prove e à permetût la viertidure automatiche di 21 panei di segnalazion che a àn sierât lis trê corsiis in 20 minûts, un tierç dal timp che di solit al covente.
Di la de riduzion dai timps, il sisteme al sbasse il risi pal personâl e al aumente la sigurece pai utents e al permet ancje intervents svelts ancje tal câs di incidents o codis. Il progjet al è un pas indenant impuartant ancje in prevision de costruzion future de tierce corsie tra San Donà e Puart. (a.d.g.) – 21.10.2025
