Solidarietât pai lavoradôrs de Dm Elektron di Buie

Il Comun di Buie al à aprovât une mozion di solidarietât pai lavoradôrs de Dm Elektron, metintsi a disposizion par difindi il sît e la ocupazion. Intai dîs passâts ancje la Dm Elektron Romanie e a puartât i libris in tribunâl.
Sabide sore sere, il consei comunâl al à aprovât ae unanimitât une mozion di solidarietât pai dipendents de aziende stant che  l’aministradôr delegât Dari Melchior al à declarât il faliment tes setemanis passadis.
Cu la aprovazion dal document, presentât dai conseîrs di oposizion dal grup “A Buie si può – Insieme – A Buje si pues”, il Comun al à dât la sô disponibilitât al dialic cul curadôr falimentâr cul auguri che la fabriche e continui a lavorâ. (A.D.G.) – 11.07.2022