Sale consiliâr plene tal municipi di Maian, indulà che al jere stât inmaneât îr sot sere dai sindicâts Cgil, Cisl e Uil un incuintri par fevelâ de situazion de Snaidero daspò de decision di sierâ il repart di vernisadure. Di la dai rapresentants dai sindicats e dai aministradôrs locâi di Maian, tacant de sindiche Elisa De Sabbata, a jerin presints ancje i conseîrs regjonâi di oposizion Manuela Celotti e Massimiliano Pozzo dal Pd, Serena Pellegrino di Avs e Massimo Morettuzzo di Patto per l’Autonomia-Civica Fvg che a àn palesat dute la lôr solidarietât ai lavoradôrs.
“La azion inmaneade dai sindicats – a àn scrit i conseîrs regjonâi – a pro dai lavoradôrs de Snaidero e merte dute la nestre atenzion parcè che si puedi rivâ al risultât di tutelâ il lavôr e la produzion. O vin preseât la atenzion dimostrade dai rapresentants dai sindicats che a àn volût cjapâ dentri la popolazion di Maian e dai comuns dongje. Cheste azion e je impuartante parcè che al sedi clâr che il probleme al è grivi e nol à a ce fa dome cul repart di vernisadure, ma cul futûr di une aziende che e rapresente une realtât fondamentâl pal teritori culinâr”. (a.d.g.) – 15.01.2026
