La etât di cui che al lavore e je simpri plui alte in tant che la paie e sta simpri plui pierdint il podê di comprâ par vie de inflazion e dai rapuarts di lavôr precaris, dut chest intune societât indulà che il cal demografic e l’invecjament a son simpri plui fuarts e la imigrazion no rive a compensâ la situazion e il fat che tancj zovins a vadin tal forest.
Chest al è il cuatri par nuie bon che al salte fûr dal rapuart su la ocupazion e sul marcjât dal lavôr inte nestre regjon, presentât vuê a Udin di Michele Piga, segretari gjenerâl de Cgil Fvg e dal economist de Ires Alessandro Russo, che al à curat la indagjin: “Ancje se il dât complessîf al à regjistrât une cressite progressive de ocupazion la tignude tal 2025, a da pinsîr al è l’impat des dinamichis demografichis, ingriviât de fuide dai nestris zovins e di chês dai redits che a mostrin une pierdite fuarte dal podê di comprâ dai lavoradôrs dipendents. E, in prospetive, a dan ancjemò plui pinsîr i segnâi di crisi che a rivin dal setôr de manifature, soredut daspò de esplosion de cuistion Electrolux”. (a.d.g.) – 28.05.2026
