Daspò plui di trê agns il cafè storic Contarena, che si cjate tal centri di Udin, al à tornât a vierzi sot de insegne Signorvino, marche dal grup Calzedonia cognossût a nivel internazionâl e che al à decidût di invistî tal cjâf lûc dal Friûl. Il grup Calzedonia al varà in gjestion il locâl par 9 agns.
La cerimonie di scree e je stade fate vuê ae presince dal sindic Alberto Felice de Toni e di une vore di components de zonte comunâl. De Toni al à sotlineât che il tornâ a vierzi chest locâl“ al è stât un dai problemis plui complès che la nestre aministrazion si jere impegnade a risolvi. Vuê o podin dî vê otignût un risultât impuartant”. Pal vice sindic e assessôr al Turisim, al Cumierç e aes Ativitâts produtivis, Alessandro Venanzi, l’invistiment al rapresente ancje un segnâl impuartant dal fat che il centri citadin al è tornât a jessi atratîf. (a.d.g.) – 08.07.2026
