Screâts i lavôrs di inmodernament dai implants di irigazion dal Consorzi di bonifiche de Planure furlane

A son stâts screâts vuê i lavôrs di inmodernament dai implants di irigazion “Rf Flaibano” e “Rf Orzano e San Giusto”.

A son i prins doi intervents inte suaze di un program plui grant par frontâ e risolvi la  obsolessence di siet comprensoris in pression tal Friûl di Mieç, finanziâts dal Acuardi pal disvilup e la coesion tra la Presidence dal Consei dai Ministris e la Regjon Friûl – Vignesie Julie. I fonts par dut il program a son plui o mancul 77 milions di euros che la Regjon e à zirât al Consorzi, delegât pai lavôrs.

I doi prins lavôrs a saran finîts prime che e tachi la gnove stagjon di irigazion. L’obietîf al è chel di otimizâ la gjestion de aghe, favorî il sparagn e miorâ lis infrastruturis che a son. (a.d.g.) – 06.11.2025