Screâts i gnûfs laboratoris pe agriculture 4.0 al Cefap di Codroip

da Alessandro Di Giusto

“La agriculture e je une dai setôrs plui dinamics e in inovazion continue. La formazion e je fondamentâl soredut par garantî sigurece sul lavôr e competitivitât aes aziendis. I operadôrs che a àn di jentrâ in chest mont dal lavôr a àn la dibisugne di jessi formâts su lis gnovis tecnologjiis e sui gnûfs machinaris e chest al pues sucedi dome se i centris di formazion a àn lis dotazions plui inzornadis. Chê screade vuê al Cefap al è ae avanvuardie”. Al è cetant che al à dit l’assessôr regjonâl aes Risorsis agroalimentârs, forestâls e itichis Stefano Zannier che vuê a Codroip al è intervignût ae inaugurazion dai gnûfs laboratoris dal Centri pe educazion e la formazion agricule permanente (Cefap).

“Intal mont de agriculture e je une grande domande di operadôrs specializâts, si che duncje i sbocs di lavôr par cui che al va daûr a chescj cors a son svelts” al à dit ancjemò Zannier, confermant i dâts ripuartâts de Direzion regjonâl Lavôr, Formazion, Istruzion e famee (che e à finanziât l’acuist dai gnûfs furniments cuntun contribût di 385 mil euros) che a disin cemût che adults e fantats che a otegnin i atestâts “Ifp” a son colocâts dentri di un an de conclusion dal trieni di studis.

Cemût che al à riferît il president dal Cefap Sergio Viello, la ativitât formative intal 2023 e je stade di 417 cors che a àn interessât 5.796 corsiscj par 22.736 oris complessivis di lezion, cun programs didatics e une organizazion interne che e favorìs la inclusion ancje di personis fragjilis, di imigrâts e al drece la sô azion sedi ai adults sedi ai zovins che aes impresis.

Vuê a son stâts screâts il simuladôr pe formazion di fantats, ancje minôrs, al ûs di tratôrs, trebiis e harvester forestâl (par butâ di arbui). In chest mût i fantats a puedin fâ pratiche di vuide in contescj simulâts di situazions specifichis, in sigurece complete. Di là di chest, a son stadis ativadis siet stazions di machinis digjitâls pal aprendiment che a gjestissin i procès produtîfs di machinis pe agricolture. (a.d.g.) – 18.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui