Salt indenant de esportazion regjonâl intal 2022

Intal 2022 il valôr des venditis intal forest des impresis dal Friûl-Vignesie Julie (pâr a plui di 22 miliarts di euros) al à evidenziât une cressite fuarte a pet dal an prime (plui 21,9%, cuasi 4 miliarts in plui). Lu fâs savê il ricercjadôr de Ires F-Vj Alessandro Russo che al à rielaborât dâts Istat. Il risultât regjonâl al è superiôr a chel di chês altris regjons dal Nordest (che intal complès al fâs segnâ plui 16%); a nivel nazionâl la variazion e je stade dal plui 20% e dome il Molîs al à mostrât une contrazion nete dal trafic in esportazion (mancul 12,1%), leade al andament negatîf des venditis di auto. Simpri intal stes periodi si cjate ancje une impuartante incressite dal valôr des importazions regjonâls (plui 29,1%); il vanzum comerciâl al è cressût dut câs (dai 8,8 miliarts di euros tal 2021 ai 10 miliarts tal an passât). (A.D.G.) – 14.03.2023