Il Refosco dal peduncolo rosso Doc Friûl 2021 al à concuistât la Medaie di Aur al 21m Concors Enologjic Internazionâl Città del Vino, a pene concludût a Sambuca di Sicilia (Agrigento). Cun 1.287 vins presentâts, che a rivavin di tancj Comuns talians e di 10 Paîs di dut il mont, chest Concors al è tant preseât dai roncârs. Un ricognossiment che al onore ancje la Aministrazion comunâl di Siest, di pôc jentrade a fâ part de Associazion nazionâl “Citta del Vino”, che ben e à figurât plaçant, ai prins puescj, un vin dal so teritori.
Dople zoie però, pe Cooperative dal Friûl Ocidentâl stant che, ancje al 62t Concors Enologjic Nazionâl “Pramaggiore 2023” (Vignesie), a son stâts premiâts, cu la Medaie di aur, ancjemò il Refosc, il Pinot grîs Doc Delle Venezie e il Prosec Doc. (A.D.G.) – 22.05.2023
