Tal prin semestri dal 2025 il numar di ocupâts inte nestre regjon, su la fonde de stime dal Istat al è pâr a 525.100 unitâts, 1.400 in mancul a pet dal stes periodi dal an passât (mancul 0,3%). La diminuzion e à rivuardât di plui lis feminis (mancul 0,5%), intant che chê dai oms e je restade stabil (mancul 0,1%), al à dit il ricercjadôr de Ires fvg Alessandro Russo che al à rielaborât i dâts Istat.
Il câl al à cjapât soredut il lavôr indipendent (che al cjape dentri lavoradôrs autonoms, imprenditôrs, colaboradôrs, professioniscj) sbassât dal 4%, parcè che chel dipendent al à regjistrât invezit une cressite (0,7%).
Une vore bon il risultât segnât inte industrie cun 12.200 lavoradôrs in plui, intant che tal setôr des costruzions a son stâts pierdûts 9.600 puescj. In câl ancje setôr primari e chel che al cjape dentri cumierç, albiercs e ristorants. (a.d.g.) – 12.09.2025
