Presit dai carburants, gnove tonade pai furlans

Il Friûl Vignesie Julie e je la regjon indulà che i presits dal carburant a son lâts plui in su in Italie. Cheste zornade e je stade segnade dai auments di presit sedi de benzine sedi dal gasoli, che a son stâts ancje di altris bandis ma no cussì alts.

Su la fonde dai dâts dal Ministeri des impresis e dal Made in Italy, il presit plui alt fûr des autostradis vuê si paie a Bolzan indulà che un litri al coste 2,063 euros, cu la Val di Aoste al secont puest cun 2,057 euros e la Sicilie al tierç cun 2,051 euros par litri. Dut câs, il rialç plui fuart al è stât in Friûl e inte Val di Aoste.

E no va miôr se si fevele di benzine indulà che al è stât regjistrât, ancjemò une volte, il rialç plui alt. (a.d.g.) – 25.03.2026