Presentade dilunc de conference stampe che e je stade vuê a Udin la zornade dal ingai (Recruiting Day) promovude de Lidl Italia che e cîr 60 lavoradôrs di meti intes sôs buteghis e tai magazens.
“Cheste zornade – e à sotlineât la assessore regjonâl al Lavôr Alessia Rosolen – e je un esempli tal concret di cemût che la Regjon Friûl Vignesie Julie e vedi savût fâ su, adun cu lis impresis, percors di formazion prime e dopo de assunzion, bogns di compagnâ lis personis bande un lavôr stabil e dui cualitât”.
Par cjapâ part ae zornade che e sarà ai 5 di Març a Villa Manin di Passarian, al covente mandâ il curriculum jenfri dai 24 di Fevrâr. Daspò de preselezion ai candidâts che a vadin ben al rivarà un messaç di pueste eletroniche cu la convocazion pal colocui. (a.d.g.) – 09.02.2026
