La aziende Icop Spa cun sede a Basilian, vuidade dai fradis Petrucco, che e fâs lavôrs in dut il mont e e je specializade inte inzegnarie sot tiere, e à comunicât di vê firmât vuê l’acuardi cui sindicâts di categorie par istituî il premi di risultât pal 2026. L’acuardi al rivuarde ducj i dipendents, operaris e impleâts che a lavorin te Icop di almancul sîs mês.
Ae firme dal acuardi, fate vuê te sede de aziende, a àn cjapade part i segretaris gjenerâi nazionâi Antonio Di Franco (Fillea Cgil), Ottavio De Luca (Filca Cisl) e Mauro Franzolini (Feneal Uil).
L’acuardi al previôt une curnîs formâl sclarint criteris di calcul e obietîfs par un sisteme di ricognossiment economic che la aziende e à storichementri dât ai siei dipendents e al permet di doprâ la tassazion agjevolade al 1% pal premi che al sarà paiât te prime metât dal prossim an al podarà rivâ fintremai a 4.500 euros. (a.d.g.) – 29.07.2026
