Premi austriac a un imprenditôr furlan dal len

L’imprenditôr furlan Alessandro Calcaterra al à vût a Clanfurt il premi “Abete d’oro”, che al è assegnât ogni doi agns dal sisteme industriâl austriac dal len a une personalitât taliane impuartante pes relazions tra i doi Paîs in chest setôr. Il ricognossiment al è stât consegnât dilunc de Fiere internazionâl dal len inte capitâl carinziane. La motivazion e marche l’impegn plurienâl di Calcaterra inte vite associative e la atenzion aes tematichis de sostignibilitât, de certificazion forestâl e de legalitât de materie prime e di dute la filiere. La Austrie e rapresente pe Italie il prin furnidôr di len pe edilizie, cul 60% de importazion totâl, là che la Austrie e indreçe ae Italie il 25% de sô esportazion: un rapuart che al è destinât a cressi intai agns che a vegnin. (A.I.) – 08.09.2022