La aziende e cîr personâl di meti a vore tai sportei dai siei uficis intes provinciis di Pordenon, Gurize e Udin. Lis personis che a saran impleadis a staran daûr a ativitâts di promozion e vendite dai prodots e dai servizis, fasint dut ce che al covente tal rispiet dai standard di cualitât de aziende.
Si pues mandâ la candidature prime di vinars ai 19 di Jugn doprant il link https://carriere.posteitaliane.it/it/sites/CX_3001/job/445?mode=location
Il candidât ideâl al à di vê il diplome di scuele medie superiôr di cinc agns cuntune votazion minime di 70/100 (o 42/60) e a saran valorizâts altris titui tant che la lauree o vôts plui alts. A cui che al sarà cjapât al sarà fat un contrat a timp indeterminât cuntun orari di lavôr part time o full time. (a.d.g.) – 15.06.2026
