Piçulis cooperativis di paîs in dificoltât

Belançs des piçulis cooperativis di consum in pericul, strents fra la incressite dai coscj energjetics, di chei al ingruess e un câl impuartant dai consums. L’alarme al ven di Confcooperative Alpe Adria che al met dongje 14 “buteghis di vicinât” inte provincie di Udin. Il câl dai consums previodût intal 2022 al podarès tocjâ il 7 par cent: “Se mitût dongje al aument dai coscj fis al è un fat tant negatîf a cjame di impresis che a àn ancje une funzion sociâl, parcè che a eroghin un servizi fondamentâl a tantis comunitâts dal nestri teritori”, e sotlinee Paola Benuts, president di Confcooperative Alpe Adria. In tantis buteghis il cost des boletis al è daûr a deventâ une vore alt e ancje il presit dai prodots al cres, intant che i clients a comprin mancul par fâ front ae spese pes boletis simpri plui alte. (ADG) – 26.10.2022