183
Un pas indenant bande de costituzion di une aziende grande pai servizis di aghe e refudons al è stât fat vuê cu la firme di un protocol di intese a Udin tra lis aziendis Net, A&T 2000, Isontina Ambiente e Cafc. La gnove aziende multiutility e varès di partî tal 2025 e e varès, cussì a pensin i esperts, di garantî tarifis plui sostignibilis e servizis omogjenis su dut il teritori. Cumò la Net e gjestìs il servizi dai refudons in 57 Comuns de provincie di Udin plui un in chê di Triest. La A&T 2000 e je in vore tal stes servizi in altris 79 Comuns, intant che Isontina ambiente si cjape cure di 28 Comuns e il Cafc al cure il servizi idric integrât par 134 municipis de provincie di Udin. (a.d.g.) – 03.06.2025
