Pai implants fotovoltaics a tiere la Regjon e je pronte a scrivi gnûfs limits

L’assessôr regjonâl pe Difese dal ambient Fabio Scoccimarro al à visât, fevelant dal acuardi cjapât inte Conference unificade di vuê di matine, che la Regjon e je pronte a butâ ju’ gnovis normis a pene che al jentrarà in vore il decret ministeriâl che al sclarìs cualis che a puedin jessi lis zonis idoniis pai implants fotovoltaics.

Nome in chel moment a Triest a podaran scrivi lis normis in mût clâr e une volte par dutis, par completâ chês za fatis tai mês passâts. Pal assessôr, in graciis dal lavôr dal Guvier, a son di fat definidis lis zonis che no van ben intai plans urbanistics pe instalazion di implants fotovoltaic a tiere. (a.d.g.) – 07.06.2024