Nûf mil assunzions in plui in F-Vj tal mês di Avrîl

A son plui di 9 mil i contrats programâts par assumi des impresis dal F-Vj tal mês di Avrîl e passe 31 mil chei pal trimestri Avrîl-Jugn. A contâ chescj numars al è il Boletin Excelsior, fat di Unioncamere e Ministeri dal Lavôr, tornât a elaborâ pe nestre regjon dal Centri studis de Cjamare di cumierç Pordenon-Udin. Il Centri studi al regjistre pe nestre regjon une cressite di 870 unitâts a pet dal Avrîl dal 2023 (plui 10,4%) e di 2.430 unitâts sul trimestri (plui 8,4%). A sburtâ lis gnovis assunzions al è ancjemò il setôr dai servizis e, tal particolâr, la filiere dal turisim, cuntune cressite che e rive al 25% in plui a pet dal stes periodi dal an passât. (a.d.g.) – 10.04.2024