New York, marcjât strategjic pai vins dal Friûl-Vignesie Julie
“Ancje a New York, come che al è za stât tai dîs passâts a Chicago, i events dedicâts al F-Vj inte suaze di Vinitaly Usa a àn regjistrât une fuarte partecipazion di compradôrs, gjornaliscj, operadôrs e professioniscj dal setôr vitivinicul. La cualitât des presincis e il nivel di interès bande dai nestris produtôrs a confermin che il F-Vj al à dutis lis cjartis in regule par rinfuarcî la sô posizion suntun marcjât strategjic tant che chel de Americhe dal Nord, soredut inte zone di New York, une vore siôr di gnovis oportunitâts e une vore competitîf”.
Chest ce che al à declarât l’assessôr ae Risorsis agroalimentârs Stefano Zannier, che si cjate inte grande metropoli americane pe seconde tape di Vinitaly Usa, la manifestazion internazionâl inmaneade di Veronafiere, dute dedicade ae promozion dal vin talian sul marcjât american. (a.d.g.) – 08.10.2025
