Il Pm Marco Brusegan al à domandât la assoluzion par no vê cometût il fat viers di Gianpietro Benedetti e Giacomo Mareschi Danieli, president e aministradôr delegât de Danieli intal procès intal Tribunâl di Padue pe muart di doi operaris dopo dal incident dai 13 di Mai dal 2018 li des Acciaierie Venete. Stesse domande ancje par Nicola Santangelo, ex president dal Cda di Danieli Centro Cranes.
Domandade invezit la condane a 4 agns e 4 mês par Giancarlo Tonoli, ex conseîr cun deleghe ae esecuzion dai colauts par Danieli Centro Cranes, e doi agns e 4 mês par Alessandro Banzato e Giorgio Zuccaro, president e diretôr di Acciaierie Venete, e Vito Nicola Plasmati, aministradôr delegât de Hayama Teac Service, dite incargade de manutenzion dai implants. Ducj acusâts di omicidi e lesions colposis e violazions in materie di sigurece sul lavôr. Lu ripuartin “Il Mattino di Padova” e “Il Gazzettino”. (a.d.g.) – 21.02.2024
