Corot intal mont de economie pe muart di Giuseppe Bono, par 20 agns delegât aministradôr di Fincantieri. Al veve 78 agns e si jere concuistât l’apelatîf di ‘ ultin boiardo di Stât’ pai 59 agns di servizi intes aziendis publichis.
Il manager nassût intal 1944 a Pizzoni, in provincie di Vibo Valentia, si jere laureât intal 1970 in Economie e Cumierç ae Universitât di Messina. Al veve scomençât la sô lungje cariere intal grup Fiat-Finmeccanica.
Intal Avrîl dal 2002 al jere stât nomenât aministradôr delegât di Fincantieri, incarghe che al à lassât inte Vierte dal 2022, passant il testemoni a Pierroberto Folgiero.
Dal 2013 al 2022 al jere stât president di Confindustrie Friûl Vignesie Julie e, dal 2015, membri dal Consei Gjenerâl di Confindustrie. Al è stât ancje president di Fondazion Nord Est dal 2018 e conseîr dal Consorzi MIB Trieste School of Management. (ADG) – 8.11.2022
