Mobii furlans par une serie Tv su Rai 2

Al è ancje un toc di Friûl intal grant sucès de tierce stagjon di “La porta rossa”, la serie Tv di Rai 2 cun protagoniscj Lino Guanciale, Gabriella Pession e Valentina Romani. Intune des pontadis, che a àn regjistrât plui di 1,5 milions di spetatôrs ognidune, si viodin intun ufici mobii e furniments de aziende Natisa di Muimans. Aziende di produzion di mobilis, cjadreis, taulis e mobilie, nassude intal 2011 su iniziative di Mauro Busolini e Roberto Iacuzzi, fuarts de esperience in plui di 25 agns di vore cun Legnotecnica, Natisa e je za cetant innomenade sui marcjâts forescj in plui di 40 nazions dal mont. Inte serie Tv si viodin, in particolâr, la taule “Shell plus”, la panarie “Margot” e il totem puarte ogjets “Twigs”. (A.I.) – 06.02.2023