Minisini, gnove presidente pai Zovins de Coldiretti Udine

Greta Minisini, 26 agns di Maian, e je la gnove presidente di Giovani Impresa Coldiretti Udine. Diplomade al Istitût tecnic agrari “il Tiliment” di Spilimberc intal 2016, e à otignût intal 2019 la lauree trienâl in Arlevament e Salût animâl e intal 2021 la lauree magjistrâl in Arlevament e Benstâ animâl ae Universitât dal Friûl. Titulâr simpri dal 2021 de aziende omonime – une imprese zootecniche, ae cuarte gjenerazion, di nemâi di lat – e à di inviâ daurman i lavôrs di ristruturazion e modernizazion.

Minisini e je stade elete in ocasion de assemblee provinciâl Giovani Impresa Coldiretti Udine intal agriturisim Mulino delle Tolle. (A.D.G.) – 19.05.2023