La industrie dal setôr metalmecanic si conferme tant che pilastri dal sisteme de manifature dal Friûl-Vignesie Julie, par dimensions, ocupazion e capacitât di gjenerâ valôr.
Chest setôr do dome al tire la industrie regjonâl, ma al è bon di fâ un fuart efiet di strissinament ancje bande dai altris setôrs produtîfs e dai servizis in graciis di une fuarte propension ae inovazion e ae esportazion.
Ai 30 di Setembar dal 2025 inte regjon si contavin 4.235 localizazions metalmecanichis, tra sedis di imprese e filiâls, pâr a un tierç de manifature dal F-Vj. Cuasi la metât e je concentrade te provincie di Udin, che di bessole e da acet a 1.778 impresis, il 42% dal totâl regjonâl. Il pês dal compart metalmecanic al è ancjemò plui evident tal câs de ocupazion: a son 64.455 i assegnâts, plui dal 55% de ocupazion inte manifature. Inte provincie di Udin a son in vore tal setôr plui o mancul 25 mil di personis, ven a stâi plui de metât dai ocupâts te manifature. (a.d.g.) – 28.01.2026
