E je in câl la propension di la tal forest dai laureâts de Universitât dal Friûl par lâ indenant de cariere universitarie o par cjatâ lavôr.
La stime su la fonde dai dâts tirâts su tra chei che si stavin laureant tal 2024 e je dal 35,1%, intant che l’an prime la percentuâl e jere dal 35,6%. Il cal si pense che al sedi leât ae indecision dai students che l’an passat e tocjave il 29% a pet dal 28,5% dal 2023. Si trate dut cas di valôrs plui bas a pet dal pic plui alt par a 30,2% regjistrât tal 2020.
Su la indecision e pese la instabilitât internazionâl che e à sfredât la voie di lâ tal forest. Al va miôr il dât su la diference di gjenar. Tal 2024 a volevin lâ vie il 37,5% dai oms e il 33,2 % des feminis, cuntune diference dal 4,3% in câl a pet dal 5,3% dal 2022. (a.d.g.) – 08.05.2025
