Confcommercio di Udin e à presentât vuê di matine lis sôs ideis pal progjet di rigjenerazion urbane de citât. Inte sale Valduga de Cjamare di cumierç Pn-Ud, Il vicepresident provinciâl Fabio Passone, presints ancje il vice president nazionâl Giovanni Da Pozzo, il vice sindic Alessandro Venanzi e l’assessôr ae Viabilitât Ivano Marchiol, al à spleât lis sîs macro areis li che si varès di lavorâ sore: infrastruturis, digjitalizazion, sostignibilitât, energjie, sigurece, residenzialitât e animazion.
“A son propuestis che a partissin – al à dit il president dal mandament di Udin, Giuseppe Pavan – des problematichis che nus àn dit i nestris associâts, che a restin il nestri plui impuartant riferiment. O crodìn che e sedi la pussibilitât par risolvi cetantis criticitâts, in colaborazion cul Comun”. (a.d.g.) – 19.04.2024
