“Il teme energjie eletriche e gas al domande une azion svelte, cussì cemût che al è stât sotlineât plui voltis dal president di Confindustrie Bonomi. O concuardìn sul fat che la azion principâl e à di nassi in Europe, ma al è oportun che il Guvier tu calcolis ancje un plan B adatât aes esigjencis talianis”. E je la analisi di Gianpietro Benedetti, president rezidôr di Confindustria Fvg su la dificile situazion creade dal aument dai coscj de energjie.
Ve lis domandis des aziendis: limit european o nazionâl al presit dal gas; sospension dal mecanisim european cul oblic di acuist di cuotis ETS (Emission Trading Scheme) a cjame des impresis; separazion dal presit dal gas dal marcjât de energjie eletriche; destinazion ae industrie di manifaturis di une cuote nazionâl di produzion des fonts rinovabilis a cost aministrât; risorsis nazionâls e europeanis par calamirâ i presits”.
“A son domandis condivisibilis – al sclarìs Benedetti – che o calcolìn a saran sostignudis de politiche ancje in Fvj”. In spiete des decisions europeanis e dal Guvier talian al è impuartant sparagnâ: “Un sparagn energjetic dal 10/15% al pues jessi metût in vore cu la colaborazion di ducj, in aziende, intal privât e inte aministrazion publiche”. (A.D.G.) – 01.09.2022
