137
La improibizion di semenâ blave gjenetichementri modificade imponude de leç regjonâl dal Friûl Vignesie Julie no je contrarie al dirit de Union Europeane, se e à il fin di evitâ la presince acidentâl di Ogm in altris prodots e se e risulte necessarie e proporzionade al obietîf. Lu à decidût la Cort di justizie Ue intervignint sul ricors dal agricultôr furlan Giorgio Fidenato, che al jere stât multât par vê plantât blave Ogm. I tocje al judiç nazionâl, e à visât la Cort Ue, valutâ se la improibizion e vedi pardabon l’obietîf di evitâ la presince acidentâl di Ogm in altris prodots e se la misure e coventi e e sedi proporzionade pal otigniment dal obietîf. (A.D.G.) – 07.07.2022
