L’alarme lu à pandût Confommercio Fvg cuntune note dal so president regjonâl Gianluca Madriz di intese cui presidents di Pordenon, Fabio Pillon, di Triest, Antonio Paoletti, e di Udin Giovanni Da Pozzo: “Intune fase indulà che cu la Regjon o stin colaborant par scrivi la leç di riforme dal cumierç, lis barufis dentri dal guvier dal Friûl Vignesie Julie a son un element di fuart pinsîr”.
“Cu l’assessorât aes Ativitâts produtivis e al Turisim si jere insaldât un rapuart di confront costrutîf – a àn dit i presidents di Confcommercio -. Il risi di instabilitât politiche al è un element che al va dal dut evitât. La sperance e je che in pôc timp lis tension a puedin finî e che si vadi indenant tal dialic par rivâ a une leç che e tegni cont di cemût che al è cambiât il setôr dopo de Pandemie e dal podê di comprâ plui bas des fameis”. (a.d.g.) – 20.05.2025
