L’avignî des impresis culturâls e creativis

Il program itinerant di incuintris e cunvignis inmaneât in preparazion te edizion 2026 di “Eureka”, la Fiere dedicade aes impresis culturâls e creativis, promovude de Regjon Friûl-Vignesie Julie, si siere joibe ai 17 a Udin. Te sede da Fondazione Friuli si davuelzarà un event par esplorâ il rûl des ICC, lis impresis culturâls e creativis: un fatôr di disvilup che al prodûs cuasi 2,2 miliarts di euros in Regjon, ven a stâi il 5,2% dal valôr zontât regjonâl e al dâ u puest di vore a almancul 32.400 personis. La ultime part dal “Eureka Roadshow”, un viaç traviers de Italie, e sarà une oportunitât par discuti cui esperts dal setôr sul teme dal contribût des fieris pal disvilup des relazions jenfris ICC e lis aziendis tradizionâls. (A.I.) – 16.08.2026