La Regjon e lis universitâts dal Fvj a vuardiaran sul progjet Metinvest a Sant Zorç

Atenzion ae tutele de sostignibilitât e dai interès dal teritori: al è chest il mandât de Regjon sul procediment che al varà di acompagnâ l’invistiment dal grup siderurgjic ucrain Metinvest e de Danieli di Buri a Sant Zorç di Noiâr. La atenzion e sarà garantide ancje dal coinvolziment inte valutazion dal procès des dôs universitât dal Friûl Vignesie Julie.
Lu à confermât l’assessôr regjonâl aes Ativitâts produtivis Sergio Emidio Bini dilunc dal incuintri intal municipi di Lignan, in presince dal sindic de localitât balneâr, di Maran Lagunâr e Tisane. In cheste ocasion a son stadis dadis sigurazions su cualchi teme solevât sui aspiets ambientâi, paisagjistics e sociâls. (A.D.G.) – 24.08.2022