Il sisteme regjonâl dai Its, bon di fâ rivâ int ancje di altris bandis di Italie e di fâ cjatâ lavôr, si conferme tra i miôr a nivel talian te formazion tecniche superiôr.
I dâts contignûts tal studi Indire a contin che il Friûl Vignesie Julie e rive al sest puest te classifiche taliane, ma e rive al secont puest se si ten cont de popolazion resident, intant che la cualitât tai percors formatîfs e je parsore de medie taliane.
Ancje i dâts su diplomats e ocupazion a confermin la tindince positive: l’83,7% di chei che si son iscrits ai Its si son diplomâts e il 92,4% di lôr a àn cjatât lavôr.
Par sostignî il sisteme la Regjon e invistirà tai prossims agns 15b milions di euros midiant il Font sociâl european. La ufierte dai cuatri Its regjonâi e sarà slargjade cun gnûfs cors e, in mût compatibil cu lis iscrizions, a vierzaran sedis ancje a Gurize e Monfalcon, intant che al sarà rinfuarcît il pôl di Damâr. “I nestris Its – e à visat Alessia Rosolen, assessôr regjonâl al Lavôr – a son ben inserîts intun sisteme che al va dai Cluster aes Universitâts e aes impresis, che di chestis ‘nd è cjapadis dentri passe 130”. (a.d.g.) – 20.07.2026
