La Fantoni e premie cui Trucioli d’oro trente siei dipendents

Sabide ai 23 di Setembar, aes 11 de matine, si tignarà la consegne anuâl dai Trucioli d’oro de Fantoni. Ae cerimonie che si tignarà intal campus di Osôf, la aziende a disarà graciis ai dipendents che a son rivâts ai 20 agns di colaborazion.

Di là de consegne dai ricognossiments a une trentine di premiâts, la ocasion e sarà buine par fâ il pont sul moment economic e sui invistiments in cors. Dopo i intervents di Giovanni e Paolo Fantoni, al intervignarà l’assessôr regjonâl aes Financis Barbara Zilli. (a.d.g.) – 18.09.23