La cressite dal lavôr dipendent e va indenant tal 2024

Tal 2024, il lavôr tal setôr privât in Friûl Vignesie Julie (tirâts vie la agriculture e il lavôr di cjase) al è aumentât di plui o mancul 5.700 a pet dal an prime ( plui 1,5%), confermant une tindince positive che e je scomençade tal 2015 e che e je stade interote dome par pôc timp tal 2020, l’an de pandemie. Il numar di dipendents che a lavorin almancul une zornade paiade inte regjon al è lat sù di cuasi 34 mil unitâts in dut ( plui 9,8%).

Chest al è ce che al salte fûr dal studi fat di Alessandro Russo, ricercjadôr de Ires Fvg, su la fonde di une analisi dai dâts pandûts dal Inps. (a.d.g.) – 05.01.2025