Di joibe al prin di Avost la aziende furlane Sereni Orizzonti e à dôs gnovis struturis in Ligurie, ven a stâi San Tomaso D’Aquino e La Camandolina, compradis ae fin di Lui. Cui ultins 173 puescj di jet, a deventin in dut passe 500 chei zontâts intal prin semestri di chest an, parcè che si trate dal cuint acuist daspò di chei des Rsa di Pinçan, Sestri Ponente e Casalpusterlengo, in dut cinc struturis indulà che a lavorin 350 personis.
“Nissun di chest setôr al cres di corse come noaltris – al à dit Massimo Blasoni, proprietari de aziende -. E je une cressite di une aziende dal Friûl-Vignesie Julie vuidade di un imprenditôr e no di un font di invistiments”.
Lis gnovis viertiduris a fasin part dal plan di disvilup di 200 milions di euros che Sereni Orizzonti al à inviât e che al previôt la costruzion dentri dal 2028 di 20 gnovis struturis pai vecjos. (a.d.g.) – 05.08.2024
