La Abs e prodûs cumò ancje sferis di açâl pe industrie minerarie

L’implant Abs di Cjargnà al amplie la schirie des sôs produzions. Al è stât screât cheste matine, in presince dal president de Regjon Massimiliano Fedriga, il gnûf implant sferis, al servizi de industrie minerarie.
La capacitât produtive e je di 150 mil toneladis l’an: cumò a nivel globâl si realizin in complès di 4 milions di toneladis. Lis sferis prodotis in Friûl a saran destinadis ai marcjâts dal Est Europe, de Afriche e dal Sud Americhe. Cumò l’implant al è in fase di inviament: al è daûr a lavorâ par rivâ aes cualitâts necessariis. Il prodot al è destinât ai mulins di masanadure de industrie minerarie. (ADG) – 19.09.2022