Inviade la discussion par une gnove grande multiutility te zone di Udin

Il prin pas al è stât fat. E je stade inviade une taule di discussion pe costruzion di une societât provinciâl che e meti adun lis cuatri societâts che te zone di Udin cumò a furnissin ai citadins il servizi idric integrât e chel di gjestion integrade dai refudums urbans. Li dal Agriturisim Bosco Romagno si son cjatâts i rapresentants dai organisims di control di CAFC Spa, NET Spa, Acquedotto Poiana Spa e A&T 2000 Spa e i lôr vertiçs aziendâi. In cheste ocasion e je stade inviade une discussion su la fonde di un document presentât di Francesco Martines, president de Comission Control Analic di CAFC Spa. (A.D.G.) – 29.06.2022