Tornâ a doprâ struturis industriâls dismetudis par ridusi il consum di teren e favorî la condivision de logjistiche de bande des aziendis, contrastant lis emissions di C02. A son chescj i obietîfs dal progjet inovatîf dal NIP – Consorzio per il Nucleo di Industrializzazione de Provincie di Pordenon cun sede a Manià – che al è daûr a progjetâ un gnûf centri logjistic e doganâl di ospitâ in un dai capanons no plui doprâts de zone industriâl maniaghese. Il progjet al à vût un finanziament di 500 mil euros de bande dal assessorât aes Infrastruturis e teritori de Regjon Friûl Vignesie Julie par vie che al è riferibil aes missions previodudis dal Pnrr.
“In chest gnove plateforme – al sclarìs il president dal Consorzi Renato Piazza – lis aziendis che a volaran jentrâ intal progjet a podaran condividi spazis e gjestion dai trafics, fasint des economiis di scjale logjistichis che, di là di fâ sparagnâ, a podaran fâ ben ancje al ambient”. (ADG) – 30.09.2022
