E je une buine notizie pal setôr agricul, al à dit il diretôr gjenerâl di Coldiretti F-Vj, Cesare Magalini, intal comentâ la tornade dai voucher anunziât dal Guvier. “I bogns lavôr – al declare Magalini in linie cu lis peraulis dal president nazionâl Ettore Prandini – a son impuartants intes campagnis dulà che al covente lavorâ cu la semplificazion burocratiche par salvâ lis racueltis e garantî gnovis oportunitâts di redit intun moment tant dificil pal Paîs”.
Coldirets F-VJ al sotlinee ancje cemût che il Guvier al vedi di fat acetât la solecitazion de organizazion sul teme de lavoranzie agricule e e conferme la disponibilitât al confront cun istituzions e sindicâts par individuâ lis modalitâts plui justis, inte prospetive de semplificazion pes impresis e des tutelis necessariis pai lavoradôrs agricui. (ADG) – 24.11.2022