Il stadi dal Udin al misurarà lis emissions di anidride carboniche

da Andrea Ioime

Un altri pas su la strade viers chel che i disin “carbon neutral”, ven a stâi la neutralitât carboniche, che al vûl dî nissun impat sul clime. La societât Udinese Calcio e conferme il so grant impegn par sbassâ la sô olme sul ambient, che al à za puartât il stadi a jessi il plui sostignibil de Italie e il cuart in dut il mont. Daspò di vê anticipât la costruzion dal rivoluzionari parc di energjie solâr che al sarà fat tal Bluenergy Stadium, la societât e à comunicât che e doprarà il software UEFA “Carbon Footprint Calculator” par contâ lis emissions. L’inovatîf imprest pe analisi al è stât presentât a Londre tal Emirates Stadium, stant che la sô politiche ambientâl e je aromai ricognossude a nivel internazionâl. (A.I.) – 06.03.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui