Il servizi pal passepuart ancje tal ufici postâl di 18 Comuns de provincie di Gurize

In 18 puestis de provincie di Gurize al è za pussibil domandâ e rinovâ il passepuart. La iniziative e je stade presentade vuê di matine  tal ufici postâl di Cormons, ae presince de senatore Francesca Tubetti, dal vice cuestôr di Gurize Dario Russo, dal sindic Roberto Felcaro e di rapresentants di Poste Italiane.

Il servizi al è cjapat dentri dal Progjet Polis, che cun chest Poste Italiane e ponte s sostignî la coesion economiche, sociâl e teritoriâl e a superâ il ritart digjitâl in plui o mancul 7 mil comuns cun mancul di 15 mil abitants. Te suaze dal progjet Polis si pues za domandâ di la dal passepuart ancje  i certificâts anagrafics, di stât civîl e previdenziâi. (a.d.g.) – 23.03.2026