Il salt di cualitât che al covente ae nestre agriculture

da Alessandro Di Giusto

Il sisteme agricul dal Nord-Est al à bisugne di passion, competencis, unitât di intindiments. Cui che al à il podê decisionâl al à di dâ la juste impuartance al setôr primari. Lu an dite i esperts intervignûts a Lignan al prin incuintri de rassegne “Economia sotto l’Ombrellone” che si son confrontâts sul teme “La agriculture dal Nord est fra mancjance di materiis primis e fertilizantis, sut e impegn ae sostignibilitât”, moderât dal gjornalist Carlo Tommaso Parmegiani. Tra i relatôrs Claudio Bressanutti, dirigjent de Associazione Italiana Allevatori, Franco Clementini, president di Agricoltori Italiani Fvg – Cia, Marco Tam, president di Greenway e Filare Italie. “Al covente – a àn sclarît i relatôrs – un salt culturâl che al permeti a dut il mont agricul di lâ daûr dai esemplis plui virtuôs: de programazion ae informatiche, de diversificazion ae inovazion tecnologjiche, de sostignibilitât al studi des culturis plui justis par ogni teritori”. (A.D.G.) – 04.08.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui