La riunion clamade dal guvier regjonâl su la vertence de Snaidero e à rivât a blocâ la decision de aziende di sierâ il repart di vernisadure, puartat fûr il lavôr e licenziant 27 lavoradôrs. La aziende e à tornât a vierzi lis discussions cui sindicâts, anunziant la prossime firme di un acuardi di solidarietât di 12 mês par ducj i lavoradôrs. “O considerìn chest un pas costrutîf e positîf che al conferme il valôr dal dialic istituzionâl e sindicâl, savint che chest procès al domande une atenzion continue e une responsabilitât condividude. La Regjon e controlarà di dongje la situazion, judant i lavoradôrs e la aziende cun politichis di lavôr e di supuart pes ativitâts di produzion.”
Chestis a son lis peraulis dopradis dai assessôrs regjonâi pes Ativitâts Produtivis, Sergio Emidio Bini, e pal Lavôr, Alessia Rosolen, ae fin de riunion istituzionâl convocade vuê di matine inte sede regjonâl a Udin cui rapresentants de Snaidero, i sindicâts e Confidustria Udine par frontâ il probleme leât ae sieradure anunziade dal repart tal stabiliment di Maian. (a.d.g.) 30.01.26
