Il president di Confindustria Udine Pozzo in Egjit cul ministri Valditara

Il president di Confindustria Udine Luigino Pozzo, compagnât dal diretôr gjenerâl de associazion Michele Nencioni, al à cjapât part ae visite istituzionâl fate al Cairo, in Egjit, dal ministri de Istruzion Giuseppe Valditara che, adun cul so coleghe ministri egjizian Mohamed Abdel Latif, cul president di Confindustria Emanuele Orsini e cul ambassadôr talian in Egjit Michele Quaroni, al à screât vuê il “Villaggio Italia”, definît “la prime fiere de educazion taliane tal forest”.

Ae inaugurazion, fate tal Istituto Salesiano Tecnico e Professionale Don Bosco, a àn cjapât part 48 Its Academy, tra chescj al è ancje l’Its Academy Udine, presinte ancje la sô presidente Paola Perabò. (a.d.g.) – 12.02.2025