Il “Mittelfest” al à sierât il belanç in positîf

Un belanç cetant positîf, risultât di une progjetualitât che e dure par dut l’an. Cuntun util di 25.436 euros e un patrimoni net di 224.520, Mittelfest al pues cjalâ al avignî cun serenitât e soliditât. La assemblee dai socis de Associazion Mittelfest (Regjon Friûl-Vignesie Julie, Comun di Cividât, Ert e Bancje di Cividât) e à aprovât il belanç di esercizi ai 31 di Dicembar dal 2022 e chel preventîf pal 2023. In curt e sarà clamade une gnove assemblee pe nomine dal gnûf consei di aministrazion e dal gnûf president.“ Il lavôr fat tai ultins trê agns al è stât impuartant – al note il president, Roberto Corciulo – e o vuei graciâ ducj chei che a lavorin pal festival cun impegn, dedizion e competence”. (A.I.) – 01.03.2023