Il mestri dal piano ae ricercje di un Fazioli

La telefonade dal artist e je rivade ai uficis de Fazioli Pianoforti di Sacîl la setemane passade: al pianist Boris Giltburg, une des stelis de musiche classiche mondiâl, al servive un strument pal so conciert al Concertgebouw di Amsterdam di domenie ai 5. Cjatâ un grancoda Fazioli che al fos disponibil in pocjis oris no jere imprese facile, nancje in Olande, dulà che al lavore un dai buteghîrs plui atîfs, che al svante une gruesse disponibilitât di struments, prenotâts in anticip di organizadôrs di concierts e festivai locâi. La rêt internazionâl de innomenade cjase costrutore di Sacîl si e je metude duncje in moviment par dâ supuart a chel che al è un dai siei plui impuartants “ambassadôrs”, che propit suntun “grancoda” al à regjistrât cierts dai siei albums plui fortunâts. (A.I.) – 08.09.2022